მათე ცინცაძე კარიერას ლატვიურ „იელგავაში“ გააგრძელებს. ბალტიისპირული გუნდის ვებგვერდის ცნობით, ქართველ ნახევარმცველთან კონტრაქტი სეზონის ბოლომდე გაფორმდა.

ცინცაძე „იელგავას“ თავისუფალი აგენტის სტატუსით შეუერთდა და გუნდის მესამე ქართველი ფეხბურთელი გახდა გურამ ლუკავასა და ირაკლი ბიძინაშვილის შემდეგ.

24 წლის ფეხბურთელი აქამდე თბილისის „ლოკომოტივის“, „დინამო თბილისისა“ და ქუთაისის „ტორპედოს“ ღირსებას იცავდა. უცხოეთში კი პოლონური „პოგონის“ რიგებში ირჯებოდა.