თამაშგარე

9:44 | 3.09.2019 | ნანახია [] - ჯერ

რონალდუს პოლონელი მოდელიც ეტრფის

კრიშტიანუ რონალდუსადმი სიყვარულში გამოტყდომა ბოლო პერიოდში ერთგვარი მოდა გახდა. ადრეც გაუწყებდით, რომ პორტუგალიელ ვარსკვლავს სხვადასხვა საშუალებებთ ტრფიალებას მთელს მსოფლიოში გაბნეული ლამაზმანები უთვლიდნენ და ამ გოგონათა ნაწილი საკმაოდ წარმატებულიაცაა.

ერთ-ერთი უკანასკნელი ცნობილი ასული, რომელმაც კრიშტიანუსადმი გულშევარდნა აღიარა, პოლონელი მოდელი ანა ზატონია, რომელმაც ეს საკუთარი ფეისბუქის გვერდის საშუალებით გააკეთა და იქვე დასძინა, რომ საერთოდ არ აღელვებს ის ფაქტი, რომ რონალდუს გული ამჟამად დაკავებულია.

ანა ზატონი მართლაც რომ წარმატებული გოგოა და იგი ახლა ძირითადად პარიზში მოღვაწეობს. გარდა მოდელობისა, ტანსაცმლის ერთ-ერთი ფრანგული ბრენდის სახეცაა და არაფერი სჭირს საიმისო, რომ მადეირელ ოყლაყს ეხვეწოს. მაგრამ სიყვარულსა და ევროპელ ქალებს რას გაუგებს კაცი?!...

0.150148