თამაშგარე

13:31 | 2.09.2019 | ნანახია [] - ჯერ

“უკაცრავად, თქვენთან რძე რა ღირს?“

ამჟამად მსოფლიოს მეჩოგნეთა რეიტინგში პირველადგილოსანი სერბი სპორტსმენის, ნოვაკ ჯოკოვიჩის ცოლის უცნაური განცხადება მთელი დუნიის ბულვარული მედიის განსჯის საგანი გახდა. ნოვაკის ცოლმა, ელენა დოკოვიჩმა არც აცია, არც აცხელა და განაცხადა, რომ საკუთარი რძისგან კოსმეტიკური კრემის დამზადებას აპირებს.

აშკარაა, რომ ელენა ნამეტნავად თავშენახული და ოჯახის მუჭუჭი ქალია, რომელსაც ჯერ კიდევ თვეების წინ გაუყინავს საკუთარი რძე (მაშინ შვილს ბუნებრივი რძით კვებავდა) და ახლა აღმოაჩინა, რომ ეს რძე გაფუჭებულა. ჯოკოვიჩის ცოლს დაენანა ეს მშვენიერი სითხე გადასაქცევად და სწორედ ამიტომ მსოფლიოს ამცნო, რომ ამ საქმის სპეციალისტებს საკუთარი სხეულიდან ნაჟური რძიდან კოსმეტიკურ კრემს გააკეთებინებს.

იმ ადამიანს ვინც ელენა დოკოვიჩის რძისგან დამზადებულ კრემს სახეზე ან სხეულის სხვა ადგილებზე წაისმევს რა გრძნობა დაეუფლება რთული სათქმელია. ის კი უკვე თამამად შეგვიძლია ვთქვათ, რომ ჯოკოვიჩის ცოლს არასოდეს ეწყინება თუკი კითხავენ: “უკაცრავად, თქვენთან რძე რა ღირს?“...

0.117652