მსოფლიო ჩემპიონატის მთავარმა ფავორიტმა ამერიკის შეერთებული შტატების ნაკრებმა ჯგუფში პირველი შეხვედრა ჩეხეთს 88:67 მოუგო.
პოპოვიჩის შეგირდებმა მეტოქეს ოთხივე პერიოდში აჯობეს. მატჩში ყველაზე მეტი 17 ქულა ჩეხების ლიდერის ტომაშ სატორანსკის ანგარიშზეა. აშშ-ში მეისონ პლამლის გარდა ყველა კალათბურთელმა მოახერხა მინიმუმ ორი ქულის ჩაგდება. დონოვან მიტჩელს 16 ქულა ჰქონდა, ჰარისონ ბარნსი -14, კება უოლკერი - 13.
ამავე ჯგუფში თურქეთმა იაპონიას 86:67 აჯობა. მომდევნო შეხვედრაში აშშ თურქეთს დაუპირისპირდება.
დღეს გამართულ ყველა შეხვედრაში ფავორიტებმა იმარჯვეს.
სხვა მატჩებთან შედარებით დაძაბული მატჩი გამოდგა საფრანგეთსა და გერმანიას შორის. ფრანგები მთელი თამაში წინ იყვნენ, მესამე პრიოდში 24-ქულას იგებდნენ. გერმანელებმა სხვაობა ორ ქულამდეც შეამცირეს, მაგრამ საბოლოოდ საფრანგეთმა 78:74 იმარჯვა.
Пожалуйста войдите чтобы оставить комментарий Авторизация Или же Регистрация