ამერიკის ღია პირველობის პირველ წრეში როჯერ ფედერერმა სამიტ ნაგალი 4:6, 6:1, 6:2, 6:4 დაამარცხა.

ამ გამარჯვებით როჯერმა წლის შემაჯამებელ ტურნირზე ასპარეზობის უფლება მოიპოვა.

„მიხარია, რომ ლონდონში წელსაც ვითამაშებ. ეს ჩემთვის მთავარი მიზანია. დიდი სიამოვნებაა ტოპ მოთამაშეებთან ერთად კორტზე ყოფნა“- განაცხადა 38 წლის შვეიცარიელმა.

როჯერი თავისსავე რეკორდს გააუმჯობესებს და წლის შემაჯამებელ ტურნირზე მეჩვიდმეტედ იასპარეზებს.

შემაჯამებელი ტურნირი ლონდონში 10-17 ნოემბერს გაიმართება. ფედერერის გარდა ტურნირზე ასპარეზობის უფლება ნოვაკ ჯოკოვიჩს და რაფაელ ნადალს აქვთ მოპოვებული.