ფეხბურთი

0:55 | 26.08.2019 | ნანახია [] - ჯერ

ანტუან გრიზმანის რეკორდი "კამპ ნოუზე" ჩატარებულ პირველივე თამაშში

კატალონიის „ბარსელონას“ თავდამსხმელი ანტუან გრიზმანი კლუბის ისტორიაში უკვე ჩაეწერა. ესპანეთის ლა ლიგის მეორე ტურში „ბარსამ“ საკუთარ მოედანზე სევილიის „ბეტისი“ 5:2 გაანადგურა და ფრანგმა ფორვარდმა ამაში მნიშვნელოვანი წვლილი შეიტანა.

თავდაპირველად „ბეტისი“ დაწინაურდა, მაგრამ სევილიელთა გატეხვა მასპინძლებმა სწორედ გრიზმანის გოლებით შეძლეს. ანტუანმა 41-ე და 50-ე წუთებზე ორჯერ იხეირა. საინტერესოა, რომ გრიზმანი გახდა „ბარსელონას“ პირველი ფეხბურთელი, რომელმაც XXI საუკუნეში „კამპ ნოუზე“ ლა ლიგის ეგიდით სადებიუტო მატჩში დუბლი შეასრულა.

კიდევ ერთი ნიშანდობლივი გარემოებაც: გრიზმანს „კამპ ნოუზე“ აქამდე მეტოქის რანგში 14-ჯერ ჰქონდა ნათამაშები, მაგრამ გოლი არასდროს გაეტანა. ახლა კი, უკვე საშინაო გარემოში პირველივე თამაშში ორი გოლი მიითვალა.

სტატისტიკა
0.2368