ლეგენდარულმა ესპანელმა ფერნანდო ტორესმა საფეხბურთო კარიერა დაასრულა. „ელ ნინიომ“ ეს გადაწყვეტილება ჯერ კიდევ ივნისში დააანონსა, მაგრამ კარიერის ბოლო მატჩის დღეს ჩაატარა.

„საგან ტოსუ“ საკუთარ მოედანზე „ვისელ კობეს“ დაუპირისპირდა და 1:6 დაამარცხდა, ტორესმა კი კარიერის უკანასკნელ შეხვედრაში 90 წუთი ითამაშა. აღსანიშნავია, რომ ფერნანდოს მეგობრების, ანდრეს ინიესტასა და დავიდ ვილას წინააღმდეგ მოუწია გარჯა.

35 ტორესის საფეხბურთო კარიერა „ატლეტიკოში“ დაიწყო, სადაც 2000-2007 და 2015-2018 წლებში თამაშობდა (350 მატჩი, 121 გოლი). გარდა ამისა, „ლივერპულში“ (2007-2011, 142 მატჩი 81 გოლი), „ჩელსიში“ (2011-2015, 172 მატჩი, 45 გოლი), „მილანსა“ (2014-2015, 10 მატჩი, 1 გოლი) და „საგან ტოსუში“ ირჯებოდა (2018-2019, 38 მატჩი, 6 გოლი).

ესპანეთის ნაკრებში კი ტორესის აქტივში 110 შეხვედრა და 38 გოლია. რაც შეეხება ტიტულებს - ორჯერ ევროპა ლიგის გამარჯვებული გახდა, თითოჯერ კი ინგლისის ასოციაციის თასი, ჩემპიონთა ლიგა და მსოფლიოს ჩემპიონატი მოიგო. ასევე ორჯერ მოიპოვა ევროპის ჩემპიონის ტიტული ესპანეთის ნაკრებთან ერთად.