ცნობილი ფრანგი ფეხბურთელი ფრანკ რიბერი ფლორენციის „ფიორენტინას“ უახლოვდება. Sky Sport-ის ინფორმაციით, 36 წლის ფეხბურთელმა იტალიურ გუნდთან შეთანხმებას მიაღწია და ოთხშაბათს იტალიაში ელოდებიან.

რიბერი „ფიორენტინას“ თავისუფალი აგენტის სტატუსით შეუერთდება, ორწლიან კონტრაქტს გააფორმებს და სეზონში 4 მილიონ ევროს გამოიმუშავებს.

როგორც ადგილობრივი მედია იტყობინება, ფრანგმა „იებს“ 7-ნომრიანი მაისურიც მოსთხოვა, რომელიც ახლახან ჩილელმა ნახევარმცველმა ერიკ პულგარმა მოირგო, რომელიც „ფიორენტინამ“ „ბოლონიადან“ შეიძინა.

შეგახსენებთ, რომ რიბერიმ მიმდინარე ზაფხულს მიუნხენის „ბაიერნი“ დატოვა, სადაც 12 წლის განმავლობაში თამაშობდა.