„მანჩესტერ იუნაიტედი“ ჩანს, ზაფხულის სატრანსფერო ფანჯრისას ვერ მოახერხებს ალექსის სანჩესის გაყიდვას, რომელიც ვერ მოერგო გუნდს. პრობლემა ჩილელის ძალიან დიდი ხელფასია.

Daily Mail-ის ცნობით, სანჩესი, საკუთრივ ხელფასის გარდა - 300 ათასი გირვანქა კვირაში - კიდევ 100 ათასს თავისი იმიჯის გამოყენებისთვის იღებს. ასევე, სეზონში მას 5 მილიონს მისცემენ თუ 30-ჯერ მოხვდება სასტარტო შემადგენლობაში.

არსებობს კიდევ ბონუსები და სადაზღვევო გადახდები, რაც ჯამში დაახლოებით 560 ათას გირვანქას (610 ათასი ევრო) შეადგენს.

დამატებით 5 მილიონს „მანჩესტერი“ მის აგენტს უხდის.