ქართველმა ჩოგბურთელმა ეკატერინე გორგოძემ წარმატებული სტარტი აიღო პოლონეთის დედაქალაქ ვარშავაში მიმდინარე საერთაშორისო ტურნირზე, რომლის საპრიზო ფონდიც 60 ათასი დოლარია.
დღეს, მე-2 ნომრად განთესილი გორგოძე “უაილდ ქარდის” მქონე ჩეხ იოჰანა მარკოვას გაეჯიბრა და 6:4, 6:4 სძლია. მერვედფინალში ეკოს მეტოქე კვალიფიკაციის ერთ-ერთი გამარჯვებული – უკრაინელი ანასტასია შოშინა იქნება.
