დღეს, რუმინეთის დედაქალაქ ბუქარესტში სტარტი აიღო "იონ კორნიანუს და ლადისლაუ სიმონის" სახელობის საერთაშორისო ტურნირმა, სადაც საქართველოს ბერძნულ-რომაული სტილით მოჭიდავეთა ნაკრების წევრები გელა ბოლქვაძე და დემურ ქავთარაძე ერთმანეთს 77 კგ-მდე კატეგორიის ფინალში შეხვდებიან. ამავე წონაში თორნიკე ძამაშვილი ბრინჯაოსთვის იჭიდავებს, ხოლო ბაკურ გოგოლი დამამშვიდებელი წრეზე გადაერთო.
საქართველოს ჭიდაობის ფედერაციის პრესსამსახურისვე ცნობით, 72 კგ-მდე კატეგორიაში ბრინჯაოს მედლისთვის იჭიდავებს რამაზ ზოიძე, ხოლო საჩინო დავითაია და იური ლომაძე დამამშვიდებელ რაუნდში განაგრძობენ ასპარეზობას.
3 აგვისტოს რუმინეთის ტურნირზე დარჩენილი - 82, 87, 97 და 130 კგ-მდე კატეგორიის ფალავნები წინასწარი და ნახევარფინალური ეტაპის შეხვედრებს გამართავენ, საქართველოს სახელით კი რობერტ კობლიაშვილი, შალვა ხაჩიძე, გურამ ხეცურიანი (ყველა - 87 კგ.), გიორგი მელია, რევაზ ნადარეიშვილი, კუკური კირცხალია და ვალერიან მურვანიძე (ყველა - 97 კგ.) იჭიდავებენ.
დასაწყისი 11:00 საათზე
