კალათბურთის საერთაშორისო ფედერაცია (FIBA) ტოკიოს ოლიმპიური თამაშების საორგანიზაციო კომიტეტის რევოლუციურ წამოწყებას მხარს უჭერს, რაც ითვალისწინებს ტოკიოს ყურის სიახლოვეს ახლად შექმნილ Tokyo Waterfront City-ის რაიონში სპორტსმენებისთვის და გულშემატკივრებისთვის ერთიანი ზონის შექმნას.

ეს იქნება ადგილი, სადაც 2020 წლის თამაშებისას შეჯიბრებები ჩატარდება 3х3-ზე კალათბურთში, სკეიტბორდინგში, მეკლდეურობაში, პლაჟის და კლასიკურ ფრენბურთში, ტრიატლონში, ღია წყალში ცურვაში, სპორტულ ტანვარჯიშში, ჩოგბურთში და BMX ფრისტაილში. ამასთან, ეს ადგილი ისე მოეწყობა, რომ სპორტის მოყვარულთ არა მარტო ასპარეზობებისთვის თვალყურის მიდევნების საშუალება მიეცემათ, არამედ - ათლეტებთან ურთიერთობისაც.

მიმდებარე ტერიტორიაზე მოეწყობა მოსათელი ზონები ღია ცის ქვეშ, სადაც 3х3-ზე კალათბურთის მოყვარულები თავიანთი რჩეული ათლეტების მზადებას თვალს მიადევნებენ, ხოლო არენაზე გასვლამდე რამდენიმე წუთით ადრე მათი გამხნევების საშუალება მიეცემათ.

Tokyo Waterfront City-ის ტერიტორიაზე შესვლა თავისუფალი იქნება, მაგრამ შეჯიბრებებზე დასასწრებად ბილეთია აუცილებელი.

www.geonoc.org.ge