27 წლის ქართველი ჩოგბურთელი ეკატერინე გორგოძე წარმატებულად ირჯება გერმანიის ქალაქ კარლსრუეში მიმდინარე საერთაშორისო ტურნირზე, რომლის საპრიზო ფონდიც 125 ათასი დოლარია.
შეგახსენებთ, რომ გორგოძე Liqui Moly Open Karlsruhe-ს საწყის რაუნდში პირველ ნომრად განთესილ სლოვენიელ ტამარა ზიდანსეკს გასცდა, დღეს კი, ჰოლანდიელი ბიბიან შუფსის დამარცხებაც მოახერხა – 7:5, 7:5.
შეხვედრა თითქმის ორ საათს გაგრძელდა და დაძაბულ ბრძოლაში გამარჯვების წყალობით, ეკომ მეოთხედფინალის საგზურთან ერთად, 29 სარეიტინგო ქულა გამოიმუშავა.
გორგოძის მორიგი მეტოქე მარია პატრისია ტიგი იქნება, რომელმაც რუმინულ ჯახში ელენა-გაბრიელა რუსეს ასევე 7:5, 7:5 სძლია.
ცნობისთვის, ტიგი WTA-ს რეიტინგში 223-ე ადგილზე იმყოფება, ეკატერინე კი 194-ეა, ამდენად, საქართველოს პირველ ჩოგანს ნახევარფინალში გასვლის საკმაოდ კარგი შანსი აქვს, რაც მას 57 ქულას მოუტანს.