ფეხბურთი

1:48 | 31.07.2019 | ნანახია [] - ჯერ

გიორგი ჭიაბრიშვილი: "პრობლემა მენტალობაა და არა დაღლილობა"

საქართველოს ჩემპიონ თბილისის „საბურთალოს“ მთავარმა მწვრთნელმა გიორგი ჭიაბრიშვილმა ზაგრების „დინამოსთან“ მატჩის შემდეგ ისაუბრა. ქართველი სპეციალისტის განცხადებით, მთავარი პრობლემა არა დაღლილობა, არამედ მენტალობაა.

გარდა ამისა, ჭიაბრიშვილმა ევროპა ლიგის მესამე საკვალიფიკაციო ეტაპზე და „არარატ არმენიაზეც“ გააკეთა კომენტარი.

„დინამო“ არაა „ბარსელონა“ ან „რეალი“, მაგრამ ძალიან ძლიერი გუნდია, რომელიც ცნობილია თავისი აკადემიით და ნიჭიერი ფეხბურთელებით. პირველ ტაიმში შესანიშნავად ვითამაშეთ, მაგრამ მეორე ნახევარში იგივე ვერ მოვახერხეთ.

პრობლემა მენტალიტეტია და არა დაღლილობა. ჩვენ გოლი რომ გაგვეტანა, ფეხბურთელები დაღლილობას არ იგრძნობდნენ. მიზანიც ეს იყო, პირველი გოლის გატანა.

„არარატ არმენია“? ახლა რთულია ამ გუნდზე საუბარი. უნდა ვნახოთ, გავაანალიზოთ როგორი გუნდია, აქამდე არ მინახავს მათი თამაში, მაგრამ ნამდვილად დავსხდებით, ვუყურებთ და ყველაფერს დეტალურად შევისწავლით“, - თქვა ჭიაბრიშვილმა.

შეგახსენებთ, თბილისის „საბურთალო“ ევროპა ლიგის მესამე საკვალიფიკაციო ეტაპზე „არარატ არმენიას“ დაუპირისპირდება. პირველი მატჩი 8 აგვისტოს ერევანში, ხოლო საპასუხო ერთი კვირის თავზე თბილისში შედგება.

0.133331