ფეხბურთი

22:07 | 29.07.2019 | ნანახია [] - ჯერ

დინო პერიჩი: "საბურთალო" არ დანებდება"

ზაგრების „დინამოს“ ფეხბურთელმა დინო პერიჩმა ჩემპიონთა ლიგის მეორე საკვალიფიკაციო ეტაპის საპასუხო მატჩის წინ, რომელსაც მისი გუნდი თბილისის „საბურთალოს“ წინააღმდეგ ჩატაარებს, კომენტარი გააკეთა.

ხორვატი ფეხბურთელის განცხადებით, „საბურთალო“ კარგი გუნდია, ზეწოლას არ განიცდის და შესაბამისად, არ დანებდება.

„სეზონის საწყისი ოთხი თამაში მოვიგეთ და განწყობა ფანტასტიკურია. შეხვედრას მოუთმენლად ველოდებით. „საბურთალომ“ დაამტკიცა, რომ ნამდვილად კარგი გუნდია, შედეგის გამო ზეწოლას არ განიცდის და დარწმუნებული ვარ აქ გამარჯვებისთვის ჩამოვიდა, არ დანებდება. კარგ თამაშს ველოდებით, მაგრამ ჩვენს შესაძლებლობებში დარწმუნებულნი ვართ. სეზონი შესანიშნავად დავიწყეთ და ვეცდებით ხვალ პოზიტიური სერია გავაგრძელოთ“, - აღნიშნა პერიჩმა.

შეგახსენებთ, ზაგრების „დინამოსა“ და „საბურთალოს“ შეხვედრა 30 ივლისს, თბილისის დროით 22:00 საათზე დაიწყება. პირველი მატჩი თბილისში ხორვტიის ჩემპიონმა 2:0 მოიგო და წყვილში გამოკვეთილი ფავორიტია.

0.144317