ქართველმა ჩოგბურთელმა ეკატერინე გორგოძემ იტალიის ქალაქ პალერმოში მიმდინარე საერთაშორისო ტურნირზე (საპრიზო ფონდი 250 ათასი ევრო) წყვილთა ფინალური ორთაბრძოლა დათმო.

გორგოძემა და ჰოლანდიელმა არანჩა რუსმა გადამწყვეტი შერკინება პირველი განთესვის მქონე შვედურ-ჩეხურ დუეტთან (კორნელია ლისტერი-რენატა ვორაცოვა) გამართეს და 6:7 (2:7), 2:6 წააგეს.
შეგახსენებთ, რომ მანამდე, ქართველმა და ჰოლანდიელმა ჩოგბურთელებმა 3 რაუნდის გავლა მოახერხეს. შედეგად, გორგოძემა და რუსმა წყვილთა რეიტინგში 180-180 ქულა შეიმატეს.

და ერთიც. ეკომ WTA-ს მიერ ორგანიზებული ტურნირის ფინალში პირველად ითამაშა.