ფეხბურთი

13:23 | 27.07.2019 | ნანახია [] - ჯერ

რამოსი: "წაგება დასაშვებია, მაგრამ ასეთი არა"

მადრიდის „რეალის“ კაპიტანმა სერხიო რამოსმა „ატლეტიკოსთან“ განადგურების შემდეგ (3:7) კომენტარი გააკეთა. ესპანელი ფეხბურთელის განცხადებით, წაგება შეიძლება, მაგრამ მსგავსი ანგარიშით - არა.

„ცუდი შეგრძნება გვქონდა მატჩის შემდეგ. ამხანაგური თამაში იყო, მაგრამ შედეგი ძალიან ცუდია. ჩვენ შევცდით, წაგება შესაძლებელია, მაგრამ არა ასე. საშინელი პირველი ტაიმში შემდეგ მეორე ნახევარში უკეთ ვითამაშეთ, მაგრამ ძალიან ცუდ შედეგს თავი ვერ დავაღწიეთ. ჩვენთვის ეს ამხანაგური თამაში იყო, მათთვის კი ფინალი. ეს წაგება კარგი სეზონის ჩატარებაში ხელს ვერ შეგვიშლის.

გუნდი ისევ ამბიციურია, ამის პრობლემა არ გვაქვს. ჩვენ ბევრი ტიტული მოვიგეთ, მაგრამ ეს წარსულია. ახლა ნულიდან ვიწყებთ და გასული სეზონი უნდა დავივიწყოთ. მუშაობა უნდა გავაგრძელოთ. თუ ვიგრძნობ, რომ გამარჯვება აღარ შეგვიძლია, პირველი ვიქნები, ვინც გუნდს დატოვებს. თუნდაც 1% ეჭვი თუ გამიჩნდება. თუმცა, ამ კლუბს და ფეხბურთელებს ვენდობი და წარმატებაში დარწმუნებული ვარ“, - აღნიშნა რამოსმა.

0.101246