ფეხბურთი

0:31 | 25.07.2019 | ნანახია [] - ჯერ

მერაბ გიგაური: "დაძაბული თამაში იქნება, მაგრამ დადებითი შედეგისთვის ყველაფერს გავაკეთებთ"

აზერბაიჯანული "გაბალას" ქართველმა ნახევარმცველმა მერაბ გიგაურმა "დინამო თბილისთან" მატჩისწინ ისაუბრა და აღნიშნა, რომ ყველაფერს გააკეთებენ, რომ შეხვედრა დადებითი შედეგით დაასრულონ.

"ძალიან დაძაბული თამაში იქნება, რადგან "დინამო" ძალიან კარგი გუნდია. გავაანალიზეთ მეტოქის თამაში, შევისწავლეთ სუსტი წერტილები და ყველაფერს გავაკეთებთ, რომ ჩვენთვის სასურველი შედეგით დასრულდეს შეხვედრა.

პირველად მიწევს ლეგიონერის რანგში ქართული გუნდის წინააღმდეგ თამაში და ძალიან მოტივირებული ვარ. ადაპტაციის პროცესი არ გამჭირვებია, რადგან ყველა ძალიან თბილად დამხვდა, ვოლკოვს დიდი ხანია ვიცნობ და პრობლემა არ მქონია", - აღნიშნა გიგაურმა.

შეგახსენებთ, "გაბალასა" და "დინამო თბილისის" მატჩი 25 ივლისს, თბილისის დროით 19:00 საათზე დაიწყება.

გიორგი მელქაძე WORLDSPORT.GE-სთვის გაბალადან

სტატისტიკა
0.264101