სხვა

17:05 | 22.07.2019 | ნანახია [] - ჯერ

ევროპის ახალგაზრდული ოლიმპიური ფესტივალი საზეიმოდ გაიხსნა

აზერბაიჯანის დედაქალაქ ბაქოში, "ბროლის დარბაზში" საზიმოდ გაიხსნა ევროპის რიგით XV ახალგაზრდული ოლიმპიური ფესტივალი.

საათნახევრიან დინამიურ და ეფექტურ შოუში მასპინძლებმა წარმოადგინეს თავიანთი ქვეყნის ისტორია, კულტურა, ტრადიციები. მონაწილეთა აღლუმზე გამოვიდა ევროპის 49 ქვეყნის დელეგაცია. საქართველოს ოლიმპიური გუნდის მედროშე იყო ევროპის 2019 წლის ჩემპიონი ჭაბუკ ძიუდოისტთა შორის გიგა ტატიაშვილი.

დამსწრე საზოგადოებას სიტყვით მიმართეს ევროპის ოლიმპიური კომიტეტების პრეზიდენტმა იანეზ კოჩიანჩიჩმა და ფესტივალის საორგანიზაციო კომიტეტის თავმჯდომარემ, აზერბაიჯანის პირველმა ვიცე-პრემიერმა იაგუბ ეიუბოვმა.

საპატიო სტუმართა შორის იყვნენ აზერბაიჯანის პრეზიდენტი ილჰამ ალიევი და პირველი ვიცე-პრეზიდენტი მეჰრიბან ალიევა.

ფესტივალის საზეიმო გახსნის ბოლო აკორდი იყო მშვიდობის ცეცხლის დანთების ცერემონია. ეს პატივი ერგო ჭიდაობაში 2004 წლის ოლიმპიური თამაშების ჩემპიონს ფარიდ მანსუროვს.

www.geonoc.org.ge

0.112764