ფრანგული „პარი სენ ჟერმენის“ თავდამსხმელი ნეიმარი მიიჩნევს, რომ ლიონელ მესი საუკეთესოა მათ შორის, ვისთანაც უთამაშია. გარდა ამისა, ბრაზილიელმა საუკეთესო მცველი და მეკარეც დაასახელა.

„მესი საუკეთესოა ვისთანაც აქამდე მითამაშია. ჩემთვის მსოფლიოს საუკეთესო ფეხბურთელია, საუკეთესო ვისი თამაშიც მინახავს.ერთად ბრწყინვალე დუეტი გვქონდა, ფანტასტიკური. სასიამოვნო და საპატიო იყო მასთან თამაში და გარდა ამისა, ჩემი მეგობარია.

მცველი? საუკეთესო მცველი ვის წინააღმდეგაც მითამაშია, სერხიო რამოსია. მასზე ძლიერის პირისპირ არ მითამაშია. საუკეთესო მეკარე კი ვიქტორ ვალდესია, მათ შორის, ვისაც ვიცნობ“, - თქვა ნეიმარმა.