ჯანო ანანიძის დებიუტი მოსკოვის „სპარტაკის“ მთავარ გუნდში ზუსტად 10 წლის წინ, 2009 წლის 15 ივლისს, რუსეთის თასზე „კრასნოდართან“ შეხვედრაში შედგა.

საიუბილეო თარიღს ქართველმა ფეხბურთელმა სოციალურ ქსელში სპეციალური წერილი მიუძღვნა:

„15.07.2009. ბედნიერი ვარ, რომ ბედის ნებით „სპარტაკის“ ფეხბურთელი გავხდი 10 წლის წინ და ვითამაშე ჩემი პირველი თამაში ამ შესანიშნავი კლუბის მაისურით. ყველას დიდი მადლობა, ვინც რჩევებს მაძლევდა, იყვნენ მოედანთან ახლოს და ტრიბუნებიდან მხარს გვიჭერდნენ. მადლობა მათ ვინც გაიზიარა ამ პერიოდში ჩვენი სიხარული და წარუმატებლობა. ერთი სიტყვით, ვისაც ჩემი სჯეროდა და ახლაც სჯერა. „სპარტაკი“ ჩემი ცხოვრებაა და ყველაფერს გავაკეთებ, რომ ეს რაც შეიძლება დიდხანს გაგრძელდეს. დარწმუნებული ვარ ჩემი საუკეთესო მატჩები ჯერ კიდევ წინაა. მე მიყვარს თეთრი და წითელი“, - დაწერა ჯანომ ინსტაგრამში.

ამ პერიოდში ჯანომ „სახალხო გუნდის“ რიგებში 131 თამაში ჩაატარა და 16 გოლი გაიტანა. 2013-2014 წლების სეზონი იჯარით „როსტოვში“ გაატარა, ხოლო ამავე ფორმულით გასული სეზონის მეორე ნახევარი „კრილია სოვეტოვში დაჰყო.