ფეხბურთი

0:10 | 11.07.2019 | ნანახია [] - ჯერ

"ფერენცვაროშმა" "ლუდოგორეცი" დაამარცხა, ლაშა დვალმა შეუცვლელად ითამაშა

ჩემპიონთა ლიგის პირველ საკვალიფიკაციო ეტაპზე საქართველოს ჩემპიონ „საბურთალოს“ ხმაურინი გამარჯვების კვლადაკვალ, საქმეში ქართველი ლეგიონერებიც ჩაერთვნენ.

ლაშა დვალის „ფერენცვაროში“ „ლუდოგორეცს“ დაუპირისპირდა, ხოლო ევროპა ლიგის საკვალიფიკაციო ეტაპზე ჯაბა კანკავასა და ნიკა კვეკვესკირის „ტობოლი“ ლუქსემბურგულ „ჟენესს“ ესტუმრა.

უნგრეთის ჩემპიონმა ბულგარეთის საუკეთესო გუნდი საკუთარ მოედანზე დაძაბულ ბრძოლაში დაამარცხა 2:1, მაგრამ მთვარი ბრძოლა საპასუხო მატჩში ელოდება, რომელიც 17 ივლისს რაზგრადში შედგება. დღევანდელ მატჩში კი „ფერენცვაროშის“ შემადგენლობაში შეუცვლელად გაისარჯა ლაშა დვალი.

რაც შეეხება „ტობოლს“ „ჟენესს“ სტუმრად დაუზავდა და ახლა შინ აუცილებლად მოსაგები აქვს. კანკავამ 90 წუთი დაცვის ცენტრში ითამაშა (უკვე ტრადიციად იქცა და ჩვენი ნაკრების კაპიტანი კლუბში მცველის პოზიციაზე თამაშობს), ხოლო კვეკვესკირი ასევე 90 წუთი იყო მოედანზე ნახევარდაცვის ცენტრში.

Loading...
0.111099