ჩოგბურთი

10:51 | 10.07.2019 | ნანახია [] - ჯერ

ჰალეპი: „მიყვარს ბალახის საფარი. ამას პირველად ვამბობ“

უიმბლდონის ნახევარფინალში გასვლის შემდეგ, რუმინელმა ჩოგბურთელმა, სიმონა ჰალეპმა, ტურნირის შესახებ ჟურნალისტებს თავისი აზრი გაუზიარა. შეგახსენებთ, რომ მეოთხედფინალში ჰალეპმა ჩინელი ჩჟან შუაი 7:6 (7:4), 6:1 დაამარცხა.

„ველოდი, რომ მოწინააღმდეგე კარგად ითამაშებდა. მან წინა ორ შეხვედრაში დამამარცხა და მისი სიძლიერე ჩინებულად ვუწყოდი. ცოტას ვნერვიულობდი დასაწყიში. მას ძალიან ძლიერი დარტყმა აქვს და დიდი ძალისხმევა დამჭირდა წინააღმდეგობის გასაწევად.

ხუთი წლის წინადელ უიმბლდონზე ნახევარფინალში გასვლა? ახლა სხვა ადამიანი ვარ. ყველაფერი შეიცვალა. გაცილებით დიდი გამოცდილება მაქვს. მეტად დარწმუნებული ვარ საკუთარ თავში. საერთოდ, მიყვარს ბალახის საფარი. ამას პირველად ვამბობ.

შემდეგი მატჩიც დიდი გამოცდა იქნება ჩემთვის, მაგრამ არ ვღელავ და მოტივირებული ვარ.“ - განუცხადა ჰალეპმა უიმბლდონის ოფიციალურ ვებ-გვერდს.

ნახევარფინალში რუმინელი, უკრაინელ ელენა სვიტოლინას შეხვდება.

0.111024