მადრიდის „ატლეტიკომ“ რამდენიმე დღის წინ შეძენილი ჟოაო ფელიში ოფიციალურად წარადგინა და 7-ნომრიანი მაისურიც გადასცა.
საინტერესოა, რომ „ატლეტიკოში“ ეს ნომერი ანტუან გრიზმანს ეკუთნოდა, რომელიც გუნდს ტოვებს, მაგრამ კონფლიქტის ფონზე. ფრანგი ოფიციალურად ჯერაც მადრიდელთა წევრია, მაგრამ პორტუგალიელს მისი 7 ნომერი უკვე მოარგეს.
შეგახსენებთ, რომ „ატლეტიკომ“ 19 წლის ფელიში კლუბის ისტორიაში სარეკორდო თანხად, 126 მილიონ ევროდ შეიძინა და 7-წლიანი კონტრაქტი გაუფორმა. პორტუგალიელი გასამარჯელოს სახით 3.5 მილიონ ევროს მიიღებს.
აქვე გეტყვით, რომ გასულ სეზონში ჟოაომ „ბენფიკას“ მაისურით 42 მატჩში 20 გოლი გაიტანა.
