ავტოსპორტი

17:20 | 7.07.2019 | ნანახია [] - ჯერ

ფერსტაპენი მერსედესში? რატომაც არა...

გერმანულ გამოცემა „აუტო მოტორ უნდ შპორტთან“ ერთ-ერთ ბოლო ინტერვიუში, „რედ ბულის“ მოტორსპორტის მრჩეველმა ჰელმუტ მარკომ განაცხადა, რომ თუ გუნდი მაქს ფერსტაპენს ვერ დაარწმუნებს, რომ კონკურენტუნარიანი მანქანის შექმნა შეუძლია, ის „რედ ბულს“ დატოვებს.

ისეთი ძლიერი პილოტის აყვანა, როგორც ფერსტაპენია, ნებისმიერი გუნდის ინტერესებში შედის. ამასთან, ჰოლანდიელი მხოლოდ იქ გადავა, სადაც ჩემპიონობისთვის ბრძოლის საშუალება მიეცემა. მისი ამბიციებისთვის ყველაზე შესაფერისი „მერსედესია“, თუმცა მის შეფ ტოტო ვოლფს დაინტერესება ჯერ არ გამოუხატავს. მას არ დაუმალავს, რომ ამ თემაზე „რედ ბულის“ პილოტთან ჯერ არ უსაუბრია.

„ჯერ ჩვენი შემადგენლობა უნდა განვიხილოთ. გავიგოთ, ჩვენს მრბოლებს რა გეგმები აქვთ. ამის შემდეგ, საჭიროების შემთხვევაში, ნებისმიერთან დალაპარაკება შეიძლება. ეს ყველა მრბოლს ეხება, ვისაც „მერსედესის“ გუნდისთვის რაიმეს მოტანა შეუძლია. ჩვენ რამდენიმე ახალგაზრდა მრბოლი გვყავს, ვინც ფორმულა ერთში მოსვლას იმსახურებს“, - ამბობს ვოლფი.

ის დასძენს, რომ ესტებან ოკონი გასული სეზონის ბოლოს სათადარიგოთა სკამზე აღმოჩნდა და დიდი სურვილი აქვს იმისა, რომ გამოასწოროს, რისთვისაც პირველ რიგში იმუშავებს.

თავად ფერსტაპენიც, ვინც ახლახანს ავსტრიის დიდი პრიზი მოიგო და ამით, „მერსედესის“ წაუგებელი სერია შეწყვიტა, გერმანულ გუნდთან კავშირს არ ადასტურებს. „ვფიქრობ, არის ვინმე, ვისაც ამ საქმესთან დაკავშირებით, ჩემზე მეტი ინფორმაცია აქვს“, - ის ასე ირონიულად პასუხობს ამ თემაზე დასმულ შეკითხვას.

ფერსტაპენთან შესაძლო პარტნიორობის შესახებ, ლუის ჰამილტონმა განაცხადა, რომ ასეთი რამ პირველად გაიგო და რომ გუნდი მისი და ვალტერი ბოტასის პარტნიორობითაც კმაყოფილია. რაც შეეხება მაქსს: „ვიცი, ის გამოწვევებს ესწრაფვის. არ ვიცი, ყველაფერი შესაძლებელია. თუ გადმოვა, ძალიანაც კარგი. ჩემთვის სულერთია, ვის წინღმდგ მომიწევს რბოლა“.

0.116425