ჩოგბურთი

13:10 | 6.07.2019 | ნანახია [] - ჯერ

15 წლის ამერიკელი ჩოგბურთელი უიმბლდონზე ისტორიას წერს

უიმბლდონის მიმდინარე საჩოგბურთო ტურნირის ნამდვილი აღმოჩენა 15 წლის ამერიკელი კოკო გაუფი გახლავთ. თინეიჯერმა ჩოგბურთელმა ისტორიის დაწერა მოახერხა და უპრესტიჟულესი ტურნირის მერვედფინალში გავიდა.

1/16 ფინალში კოკომ პოლონა ჰერცოგი უმძიმეს ბრძოლაში 3:6, 7:6, 7:5 დაამარცხა.

„ახლა მხოლოდ თავისუფლებას ვგრძნობ. ეს იყო ხანგრძლივი და დაუჯერებელი მატჩი. ცენტრალურ კორტზე პირველად ვითამაშე. საოცარი ატმოსფერო იყო, გულშემატკივრების მადლობელი ვარ, რომ ჩემი სჯეროდათ“, - თქვა ამერიკელმა.

გაუფმა პირველ წრეში 5-გზის ჩემპიონი ვენუს უილიამსი, ხოლო მეორე წრეში მაგდალენა რიბარიკოვა დაამარცხა. მერვედფინალში კი 8 ივლისს, რეიტინგის მე-7 ნომერ სიმონა ჰალეპს დაუპირისპირდება.

ცნობისთვის, კოკო გაუფი ყველაზე ახალგაზრდა ჩოგბურთელია თანამემამულე ჯენიფერ კაპრიატის შემდეგ (1991 წელს დაფიქსირებული მიღწევა), რომელიც უიმბლდონის 1/8 ფინალურ ეტაპზე იასპარეზებს.

0.113111