23 წლის ბრაზილიელმა ფეხბურთელმა ანდრეას პერეირამ "მანჩესტერ იუნაიტედთან" კონტრაქტი 2023 წლის ივლისამდე გაახანგრძლივა. აღნიშნული ინფორმაცია "წითელი ეშმაკების" ოფიციალურმა ვებგვერდმა გაავრცელა.

სამხრეთამერიკელი ინგლისელებმა 2012 წელს პსვ-ს აკადემიიდან დაიმატეს და ბრაზილიელი პირველ გუნდში 2015 წელს დააწინაურეს. მას შემდეგ შემტევმა ნახევარმცველმა "გრანადასა" და "ვალენსიაში" იჯარის წესით ითამაშა. გასულ სეზონში კი 23 მატჩი ჩაატარა და თავი ერთი გოლით გამოიჩინა.