ფეხბურთი

23:00 | 4.07.2019 | ნანახია [] - ჯერ

ბუფონმა "იუვენტუსში" ნომერი აირჩია და კაპიტნობის დაბრუნებაზე უარი თქვა (+VIDEO)

ტურინის „იუვენტუსში“ დაბრუნებულმა ჯანლუიჯი ბუფონმა სათამაშო ნომერი აირჩია. 1 ნომერი ვოიცეხ შჩესნის დარჩება, ხოლო ბუფონი ტურინელთა რიგებში 77 ნომრით ითამაშებს.

ასევე ცნობილი გახდა, რომ კაპიტნის სამკლავურს არ დაიბრუნებს და გუნდისთავი ჯორჯო კიელინი იქნება.

„მადლიერი ვარ კიელინის და შჩესნის. მათ კაპიტნობა და პირველი ნომერი შემომთავაზეს, მაგრამ კაპიტანი ისევ ჯორჯო იქნება, რომელიც ჩემთვის ძმასავითაა, ხოლო პირველი ნომერი კვლავ ვოიცეხის საკუთრება იქნება, რადგან ის ძირითადი მეკარეა.

მე კი 77 ნომრით ვითამაშებ. ეს ნომერი „პარმაში“ მქონდა და იღბალი მომიტანა, მომდევნო სეზონში „იუვენტუსში“ გადავედი“, - აღნიშნა ბუფონმა.

აქვე გეტყვით, რომ ჯანლუიჯი ბუფონი „იუვენტუსის“ ღირსებას 2001-2018 წლებში იცავდა და 2012 წლიდან გუნდის კაპიტანი იყო. ტურინელთა რიგებში ხსენებული 17 სეზონი 1 ნომრით გაატარა, ხოლო 77-ნომრიანი მაისური 2000-2001 წლების სეზონში „პარმაში“ ემოსა.

Loading...
სტატისტიკა
0.26093