ფეხბურთი

9:04 | 3.07.2019 | ნანახია [] - ჯერ

კოპა ამერიკა: ბრაზილია ფინალშია

ტიტეს ხელმძღვანელობით ბრაზილიის ნაკრები უფრო პრაგმატული გახდა და ამ სტილს წარმატება მოაქვს. ასე იყო ამჯერადაც. მასპინძელმა ბრაზილიელებმა არგენტინელები შებოჭეს, თავად კი მალევე დაწინაურდნენ, მე-19 წუთზე გაბრიელ ჟეზუსმა გაიტანა ფირმინოს პასით. არგენტინა ცდილობდა, აგუერომ ხარიხასაც მოარტყა ბურთი თავურით. მეორე ტაიმში მესიმაც მოსინჯა ძელის სიძლიერე. მაგრამ 71-ე წუთზე ბრაზილიელებს სწრაფი კონტრშეტევა გამოუვიდათ და ახლა ჟეზუსის პასით ფირმინომ გაიტანა.

მერე იყო ეპიზოდი, როცა მსაჯს ბრაზილიელთა კარში პენალტი უნდა დაენიშნა. თამაშის დამთავრების შემდეგ მესიმ თქვა: „ტურნირზე საუკეთესო მატჩი ჩავატარეთ. ბრაზილიელები არ გვჯობდნენ, უხეშობდნენ. ვერ გამიგია რატომ არცერთხელ არ გამოიყენეს ვიდეოარბიტრის დახმარება.“

ასეა თუ ისე, ბრაზილია ფინალშია, სადაც ჩილესა და პერუს შორის გამარჯვებულს შეხვდება. მესი კი კვლავ სანაკრებო ტიტულის გარეშე დარჩა.

ბრაზილია - არგენტინა 2:0

3 ივლისი. ბელუ ორიზონტი. „მინეირაო“

1:0 გაბრიელ ჟეზუსი (19), 2:0 ფირმინო (71)

ბრაზილია: ალისონი, დანი ალვეში, ტიაგუ სილვა, მარკინიოსი (მირანდა 64), სანდრო, კაზემირო, არტური, კოუტინიო, გაბრიელ ჟეზუსი (ალანი 80), ფირმინო, ევერტონი (ვილიანი 46)

მწვრთნელი: ტიტე

არგენტინა: არმანი, ფოიტი, პეცელია, ოტამენდი, ტალიაფიკო (დიბალა 85), პარედესი, აკუნია (დი მარია 59), დე პაული (ლო სელსო 67), მესი, მარტინესი, აგუერო

მწვრთნელი: ლიონელ სკალონი

მსაჯი: როდი სამბრანო (ეკვადორი)

გაფრთხილება: დანი ალვეში (40), ალანი (82); ტალიაფიკო (9), აკუნია (40), ფოიტი (56), მარტინესი (58), აგუერო (94)

0.135421