პარაგვაელ ლარისა რიკელმეზე ავყია ხალხის ბევრს კი იძახდა, რომ თითქოს ლარისამ პარაგვაის საფეხბურთო ნაკრები დაივიწყა, ფეხბურთი მიიყურისძირა და ახლა მწვანე მინდორზე ბურთის გორება აღარ აინტერესებსო. მაგრამ სრულიად სამხრეთ ამერიკის ქომაგთა გულის გასახარად ეს ჭორები ჭორადვე დარჩა და რეალობა ბევრად უფრო საამო აღმოჩნდა.
რამდენიმე დღის წინ, კოპა ამერიკის გათამაშების მეოთხედფინალში როგორც იცით პარაგვაის ნაკრებმა ბრაზილიელ მასპინძლებს დიდი ბრძოლა გაუმართა და მხოლოდ პენალტების სერიაში დამარცხდა. ამ მატჩზე კი ტელეოპერატორების და სრულიად მედიის ყურადღების ცენტში სწორედ სენიორიტა ლარისა აღმოჩნდა, რომელიც ტრადიციულად იოგების დაწყვეტამდე ქომაგობდა საყვარელ ნაკრებს.
მატჩის დასრულების შემდეგ ლარისა რიკელმემ მედიისთვის მცირე კომენტარიც გააკეთა და განაცხადა, რომ იგი პარაგვაის ნაკრების თილისმის წოდებას არავის დაუთმობს და მშობლიურ ნაკრებს მუდამ დაუდგება გვერდში. რიკელმემ ისიც თქვა, რომ ამაყობს პარაგვაელი ფეხბურთელებით, რომლებმაც კინაღამ დიდი სენსაცია გამოაცხეს.
