ძიუდო

13:50 | 30.06.2019 | ნანახია [] - ჯერ

ევროპირველობა ქართული ფინალით დასრულდა

პოლონეთის დედაქალაქ ვარშავაში გამართულ კადეტ ძიუდოისტთა ევროპირველობაზე ინდივიდუალური შეჯიბრი ქართული ფინალით დასრულდა.

მძიმეწონოსანთა (+90 კგ.) ტურნირის გადამწვეტ შერკინებაში გიგა ტატიაშვილმა ირაკლი დემეტრაშვილს ვაზარით სძლია. მანამდე, გიგამ იპონებით აჯობა გერმანელ იოსიპ ელ სავის, ბელარუს მაკსიმ სომაუსა და აზერბაიჯანელ ჰუსეინ მამედოვს.
თავის მხრივ, დემეტრაშვილმა გზიდან ჰოლანდიელი იულეს ბლომი, ებრაელი ევგენი შმაჩილინი, ფრანგი მატიას ანგლიონინი და რუსი ახმედ მაგომადოვი ჩამოიცილა.
90 კგ-მდე წონით კატეგორიაში ბრინჯაოს მედალი მოიპოვა თორნიკე ფოლადიშვილმა. მან პოლონელი დავიდ მეჩოვსკი, ესტონელი კარლ პრილინ ტურკი და მოლდოველი კატალინ ერმურაჩი დააიპონა, ნახევარფინალში მომავალ ჩემპიონ კენი ლივეზთან (საფრანგეთი) წააგო, მე-2 ადგილისთვის შეხვედრაში კი, პოლონელ მიხალ იედრჟიევსკის იპონით სძლია.
სამწუხაროდ, გუშინვე უმედლოდ დარჩნენ აკაკი ჯაფარიძე (81 კგ.), გიზო გუგუნაშვილი (90 კგ.), ნინო გულბანი (70 კგ.) და გვანცა სომხიშვილი (+70 კგ.).
ვაჟთა გუნდურ ჩათვლაში საქართველოს ნაკრებმა 1 ოქროს, 1 ვერცხლისა და 2 ბრინჯაოს მედალი მოიპოვა და მხოლოდ რუსეთსა (2 ოქრო, 2 ვერცხლი, 4 ბრინჯაო) და საფრანგეთს (2 ოქრო) ჩამორჩა.
დღეს, ვარშავაში უკვე სანაკრები შეჯიბრია და ქართველმა ძიუდოისტებმა პირველი ბარიერი დამაჯერებლად დასძლიეს. ბიჭებისა და გოგონების გაერთიანებულმა გუნდმა პოლონეთი 4:0 დაამარცხა და მეოთხედფინალში რუსეთს გაეჯიბრება.

Loading...
0.111743