საფრანგეთში მიმდინარე ქალთა მსოფლიო ჩემპიონატზე, რიგით მესამე მეოთხედფინალური მატჩი გაიმართა. ვალანსიენში, „სტად დიუ ენოს“ სტადიონზე, იტალიის ნაკრები ჰოლანდიის ეროვნულ გუნდს შეხვდა და 0:2 დამარცხდა.

70-ე წუთზე ანგარიში „არსენალის“ შემტევმა, ვივიან მიდემამ გახსნა. ათ წუთში კი საბოლოო ანგარიში „აიაქსის“ სტეფანი ვან დერ გრახტმა დააფიქსირა.

ამრიგად, ჰოლანდიის ნაკრები ტურნირის ნახევარფინალში გავიდა, სადაც გერმანია - შვედეთის გამარჯვებულს შეხვდება. მეორე ნახევარფინალში კი ინგლისი აშშ-ის ეროვნულ გუნდს დაუპირისპირდება.

შეგახსენებთ, რომ ჰოლანდიელები ევროპის მოქმედი ჩემპიონები არიან.