მადრიდის „რეალის“ ნორვეგიელი ნახევარმცველი, მარტინ ედეგორი, კლუბთან ახალ კონტრაქტს გააფორმებს და ისევ სხვა გუნდში გადავა იჯარით, გამოსყიდვის უფლების გარეშე - გვამცნობს AS. გამოცემის მტკიცებით, ედეგორით „რეალ სოსიედადი“ და „ლევერკუზენი“ ყოფილან დაინტერესბული. წინასწარი მოლაპარაკებებიც უკვე გაუმართავთ.

2018-19 წლების სეზონში ედეგორი ჩვენთვის კარგად ნაცნობ „ვიტესში“ ირჯებოდა იჯარის წესით. ჰოლანდიის ჩემპიონატის 35 მატჩში მან 9 ბურთი გაიტანა და 12 საგოლე პასით გამოირჩა.

შეგახსენებთ, რომ ედეგორი „რეალის“ ფეხბურთელი 16 წლისა გახდა. „სამეფო კლუბში“ მისი დებიუტი 2014-15 წლების სეზონის ბოლო ტურში შედგა, როდესაც კრიშტიანუ რონალდუ შეცვალა.

ამისდაკვალად, ედეგორი „რეალის“ ისტორიში ყველაზე ახალგაზრდა ფეხბურთელი შეიქნა, ვისაც ესპანეთის ჩემპიონატში უთამაშია.