ქართველი ძიუდოისტი გურამ თუშიშვილი (+100 კგ.) ბელარუსის დედაქალაქ მინსკში მიმდინარე ევროპული თამაშების ფინალში გავიდა და ეცდება, ჩვენს დელეგაციას მორიგი ოქროს მედალი მოუტანოს.

თუშიშვილმა ნახევარფინალში ჰოლანდიელ ჰენკ გროლს იპონით აჯობა (მანამდე, ვაზარით ჩამორჩა), მანამდე კი, ასევე წმინდად რუმინელ ვლადუტ სიმონესკუსა და პოლონელ მაჩიეი სარნაცკის მოუგო. გადამწყვეტ ორთაბრძოლაში გურამის პირისპირ რუსი ინალ ტასოევი დადგება.

შეგახსენებთ, რომ საღამოს სესიაში საქართველოს ძიუდოისტთა ნაკრებს ფინალში კიდევ ერთი წარმომადგენელი ეყოლება. ვარლამი ლიპარტელიანი (100 კგ.) ოქროსთვის რუს არმან ადამიანს შეერკინება.
ფინალური ბლოკი 18:00 საათზე დაიწყება.