კრისტიან ერიკსენი მიმდინარე ზაფხულს ლონდონის „ტოტენჰემს“ დატოვებს, მაგრამ ჯერჯერობით უცნობია, სად გაგრძელდება დანიელი ნახევარმცველის კარიერა.

აქამდე ერიკსენს მადრიდის „რეალს“ უკავშირებედნენ, მაგრამ Daily Mirror-ის ცნობით, ედენ აზარის ტრანსფერის შემდეგ დანიელის „სანტიაგო ბერნაბეუზე“ გადასვლის შესაძლებლობა ძალზე შემცირდა.

აღნიშნულის ფონზე კი, კრისტიანს ტურინის „იუვენტუსსა“ და „მანჩესტერ იუნაიტედს“ შორის მოუწევს არჩევანის გაკეთება. „ტოტენჰემი“ ფეხბურთელის სანაცვლოდ 110 მილიონ ევროს ითხოვს, მაგრამ შესაძლოა დათმობაზეც წავიდეს. საქმე ისაა, რომ სკანდინავიელს „მამლებთან“ კონტრაქტი 2020 წლის ზაფხულში ეწურება, რაც იმას ნიშნავს, რომ ლონდონელებმა ახლა უნდა გაყიდონ, წინააღმდეგ შემთხვევაში დამდეგ ზაფხულს მასთან შელევა უფასოდ მოუწევთ.

შეგახსენებთ, კრისტიან ერისკენი „ტოტენჰემს“ 2013 წელს ამსტერდამის „აიაქსიდან“ შეუერთდა. მას შემდეგ „დეზების“ ღირსება 277 შეხვედრა ჩაატარა და 66 გოლი გაიტანა.