კოპა ამერიკის მიმდინარე გათამაშებაში ჩილეს ნაკრები წარმატებით ასპარეზობს და მეოთხედფინალში თამაშის უფლება ორი ტურის შემდეგ უკვე გაიფორმა.

ჩილელებმა ჯერ იაპონიას აჯობეს (4:0), მერე კი ეკვადორს (2:1). ხსენებული 6 გოლიდან 2 ალექსის სანჩესმა გაიტანა.

საინტერესოა, რომ ჩილელმა ფორვარდმა კოპა ამერიკის ორ შეხვედრაში იმდენივე გოლი გაიტანა, რამდენიც 2018-2019 წლების სეზონში „მანჩესტერის“ მაისურით. ალექსისმა გასულ სეზონში „წითელი ეშმაკების“ ღირსება ყველა ტურნირის ჩათვლით 27-ჯერ დაიცვა და მხოლოდ 2 გოლის გატანა მოახერხა.