სხვა

22:03 | 19.06.2019 | ნანახია [] - ჯერ

სანდრო ბაზაძე ევროპის ჩემპიონატის ბრინჯაოს პრიზიორია!

ქართველი მოფარიკავე სანდრო ბაზაძე გერმანიის ქალაქ დიუსელდორფში მიმდინარე ევროპის ჩემპიონატის ბრინჯაოს პრიზიორი გახდა.

სანდრომ ხმლით მოფარიკავეთა შეჯიბრში ზედიზედ 9 (!) გამარჯვება იზეიმა, ნახევარფინალში კი რუს კამილ იბრაგიმოვთან (ევროპის ჩემპიონატების ვერცხლისა და ორჯერ ბრინჯაოს პრიზიორი, მსოფლიოს ჩემპიონატების ორგზის ბრინჯაოს პრიზიორი, FIE-ს რეიტინგში მე-6 ადგილოსანი) 11:15 დამარცხდა.

ბაზაძემ პლეი-ოფის მე-2 რაუნდში თანამემამულე მიხეილ მარდალეიშვილს 15:12 სძლია, შემდეგ კი უნგრელებს ტამაშ დეკშსა (15:8) და ანდრას სზატმარის (15:10) აჯობა.

საბოლოო ჯამში, სანდრომ ევროპული ბრინჯაო ზედიზედ მესამედ მოიპოვა, რაც უდავოდ დიდი წარმატებაა.

ვთქვათ ისიც, რომ ხსენებულმა მარდალეიშვილმა პლეი-ოფის საწყის წრეში ფრანგ მაქსინს ლამბერტს 15:14 მოუგო, ნიკა შენგელიამ ისლანდიელ ანდრი ნიკოლაესონ მატეევს 15:10 აჯობა, შემდეგ კი, რუს დმიტრი დანილენკოსთან 8:15 დამარცხდა.

რაც შეეხება ბექა ბაზაძეს, მან უკრაინელი იური ცაპი დაჯაბნა (15:9), რასაც იტალიელ ენრიკო ბერესთან წარუმატებელი ორთაბრძოლა მოჰყვა - 12:15.

0.164019