თბილისის "დინამოს" ორი ახალწვეული ჰყავს. დედაქალაქური კლუბის პრესსამსახურის ცნობით, კონტრაქტი გაფორმდა 27 წლის შემტევ ნახევარმცველ არფან დაფესთან, რომელმაც ბოლო სეზონი ირანულ "ნასაჯიში" გაატარა. მანამდე, სენეგალელი ფეხბურთელი ქუთაისის "ტორპედოსა" და ირანულ "პაიკანში" გამოდიოდა.

მეორე ახალწვეული კი უკრაინელი 23 წლის მარცხენა მცველი - ოლექსანდრ კაპლიენკოა. იგი ზაპოროჟიეს "მეტალურგის" აღზრდილია და რამდენიმე სეზონი მშობლიურ გუნდში აქვს ნათამაშები, ასევე გამოდიოდა თურქულ "ალანიასფორსა" და ოდესის "ჩერნომორეცში". ორივე ფეხბურთელმა კონტრაქტი 2020 წლის სეზონის ბოლომდე გააფორმა.