ბულგარეთის ქალაქ რაზგრადში დასრულდა VIVACOM CUP გათამაშება, რომელშიც მონაწილეობას "დინამოს" აკადემიის 14 წლამდელთა გუნდიც იღებდა.

B ჯგუფში სერბულ "ვოივოდინასთან" 4:2 გამარჯვების და ოდესის "ჩერნომორეცთან" 2:2 დასრულებული შეხვედრების შემდეგ, თბილისელებმა ფინალური მატჩის საგზური მოიპოვეს, რომელშიც მასპინძელ რაზგრადის "ლუდოგორეცს" დაუპირისპირდნენ. მთელი მატჩის მანძილზე და განსაკუთრებით პირველ ნახევარში დინამოელები უპირატესობას ფლობდნენ, თუმცა არაერთი საგოლე მომენტი უშედეგოდ დაასრულეს და საბოლოოდ, შეხვედრის ბოლო წუთებზე ორი გოლი მიიღეს საკუთარ კარში. მატჩი მასპინძელთა სასარგებლოდ 2:0 დასრულდა. ვასილ გეგუჩაძის გუნდმა მეორეადგილოსნისთვის განკუთვნილი თასი და ვერცხლის მედლები ჩაიბარა. გათამაშების საუკეთესო თავდამსხმელის პრიზი გიორგი ფარცვანიამ მიიღო.

U14 "ლუდოგორეცი" (რაზგრადი) 2:0 "დინამო" (თბილისი)

U14 დინამო: ბაჩილავა, ბუცხრიკიძე, ხარჩილავა, სურმავა, ცეცხლაძე, ნინიძე, პარკაძე, გიუნაშვილი, ფარცვანია, ბულუხაძე, შეროზია.

სათადარიგო სკამი: იობაშვილი, ჩიხრაძე, სიგუა, ჩხიკვაძე, ხორხელი, უკლება, მახარაძე, ჯიქია.

www.fcdinamo.ge