ჩოგბურთი

19:40 | 8.06.2019 | ნანახია [] - ჯერ

ზედიზედ მეორედ: როლან გაროსის ფინალში ნადალი ტიმს დაუპირისპირდება

საფრანგეთის ღია პირველობის ნახევარფინალში დომინიკ ტიმმა მსოფლიოს პირველი ნომერი ნოვაკ ჯოკოვიჩი 6:2, 3:6, 7:5, 5:7, 7:5 დაამარცხა და როლან გაროსის ფინალში ზედიზედ მეორედ გავიდა. მატჩი ორი დღის განმავლობაში უამინდობის გამო მიმდინარეობდა. ფინალში ტიმი რაფაელ ნადალს შეხვდება.

განვლილ მატჩში ავსტრიელს ვინერსი მეტი ჰქონდა - 52:39 და ასევე შეცდომაც - 60:53. ბადესთან უპირატესობა ტიმს ჰქონდა და რამდენიმე ეპიზოდში ჯოკოვიჩმა აშკარად მოსაგები გათამაშება წააგო.

საბოლოოდ დომინიკმა გრანდ სლემებზე ჯოკოვიჩის 26-მატჩიანი მოგებათა სერია შეწყვიტა და მეორედ შეეცდება გრუნტის საფარზე ნომერ პირველი ტურნირის მოგება. ამისთვის ტიმმა ჩინებულ ფორმაში მყოფი რაფაელ ნადალი უნდა დაამარცხოს, რომელსაც მიმდინარე წელს აღნიშნულ საფარზე უკვე შეხვდა და მოუგო. გასული წლის ფინალში კი ტიმმა ნადალთან მატჩი იოლად დათმო - 4:6, 3:6, 2:6. ურთიერთშეხვედრებში ავსტრიელი ესპანელთან 4:8 მარცხდება. როლან გაროსის გადამწყვეტი მატჩი კვირას, თბილისის დროით 17:00 საათზე დაიწყება.

Loading...
0.13106