საქართველოს ნაკრებში დებიუტი ხვიჩა კვარაცხელიას ჰქონდა. 18 წლის შემტევი გიბრალტართან ძირითად შემადგენლობაში გამოჩნდა და პირველი ტაიმის საკმაოდ აქტიურიც იყო.

თუმცა, შემდეგ ტრავმა მიიღო და მიუხედავად იმისა, რომ თამაშის გაგრძელება სცადა, მეორე ნახევარში არ უთამაშია. მატჩის დასრულების შემდეგ ქართველმა ფეხბურთელმა კომენტარი გააკეთა.

„რამდენიმე თვის წინ ტრიბუნაზე ვიჯექი და იქიდან საქართველოს ნაკრებს, ახლა კი მომეცა თამაშის შესაძლებლობა და მადლობა ყველას დაფასებისთვის. ტრავმა? არ ვიცი, რამდენად სერიოზულია, სამედიცინო შემოწმება დაადგენს“, - თქვა კვარაცხელიამ.

შეგახსენებთ, რომ საქართველოს ნაკრებმა გიბრალტარი 3:0 დაამარცხა და ევრო 2020-ის საკვალიფიკაციო ეტაპზე პირველი გამარჯვება მოიპოვა. "ჯვაროსნები" მომდევნო შეხვედრას 10 ივნისს, დანიის ნაკრების წინააღმდეგ გამართავენ.