საქართველოს ეროვნული ნაკრების ფეხბურთელმა გიორგი პაპუნაშვილმა გიბრალტართან (3:0) მოგების შემდგომ ჟურნალისტებთან კომენტარი გააკეთა. 23 წლის ნახევარმცველმა აღნიშნული მატჩის გარდა მის საკლუბო კარიერაზე მცირე კომენტარი გააკეთა და აღნიშნა, რომ მომდევნო ერთი წელი კვლავ "სარაგოსაში" რჩება.

„ნაკრების თამაშს დადებითად შევაფასებ, რადგან 3 გოლი გავიტანეთ, ამასთან ერთად უამრავი მომენტი შევქმენით და ბედნიერები ვართ. ხვალიდან კი შემდეგი თამაშისთვის მოვემზადებით.

დანიასთან მატჩში მხოლოდ გამარჯვებაზე ვფიქრობთ. დღეს გახარებულები ვართ, ხვალიდან კი დანიაზე დავიწყებთ ფიქრს, ასე რომ გამარჯვებისთვის გავალთ მოედანზე.

კლუბს რაც შეეხება, - მომდევნო 1 წელი „სარაგოსაში“ ვრჩები“, - განაცხადა პაპუნაშვილმა.

შეგახსენებთ, რომ საქართველოს ნაკრებმა გიბრალტარი 3:0 დაამარცხა და ევრო 2020-ის საკვალიფიკაციო ეტაპზე პირველი გამარჯვება მოიპოვა. "ჯვაროსნები" მომდევნო შეხვედრას 10 ივნისს, დანიის ნაკრების წინააღმდეგ გამართავენ.