ფეხბურთი

22:22 | 7.06.2019 | ნანახია [] - ჯერ

ხულიო რიბასი: "საქართველოს ჩვენი შეცდომებით საქმე გავუმარტივეთ"

საქართველოსა და გიბრალტარის ნაკრებთა (3:0) მატჩის შემდეგ სტუმართა მთავარმა მწვრთნელმა ხულიო რიბასმა თამაში შეაფასა. ურუგვაელი სპეციალისტის განცხადებით, საქართველომ გამარჯვება დაიმსახურა, მისმა გუნდმა კი შეცდომები დაუშვა.

„საქართველოს ნაკრებმა დაიმსახურა გამარჯვება. ჩვენ რაც შეგვეხება, გვქონდა კარგი შანსი, მაგრამ ვერ გამოვიყენეთ. გარდა ამისა, დავუშვით ისეთი შეცდომები, რითაც მეტოქეს საქმე კიდევ უფრო გაუადვილეთ.

რა თქმა უნდა, გვქონდა თამაშის წინ რაღაც იმედი, მაგრამ საქართველოს ნაკრებს მაღალი დონის ფეხბურთელები ჰყავს და გამარჯვება დაიმსახურა. უნდა აღვნიშნოთ, რომ ჩვენ ადრე საკუთარი სტადიონი არ გვქონდა და პორტუგალიაში ვთამაშობდით. ახლა კი, შესანიშნავი სტადიონი გვაქვს და ცხადია, როდესაც სახლში, საკუთარი მაყურებლის წინაშე ვთამაშობთ მოტივაცია გაცილებით დიდი გვაქვს“, - თქვა რიბასმა.

შეგახსენებთ, საქართველოს ნაკრები მომდევნო მატჩს 10 ივნისს, დანიასთან სტუმრად ჩაატარებს.

0.120433