საქართველოს კრისტალბეთ ეროვნული ლიგის ლიდერმა ბათუმის „დინამომ“ მორიგი გამარჯვება მიითვალა. გია გეგუჩაძის გუნდმა ბათუმში „რუსთავს“ უმასპინძლა და მიუხედავად იმისა, რომ საკმაოდ გაუჭირდა, სამი ქულა მაინც მოიპოვა.

რა თქმა უნდა, „ანგისის“ ბაზაზე ისევ ლამაზი, კარგი საფეხბურთო ატმოსფერო სუფევდა და გულშემატკივარმა კვლავ ითამაშა მე-12 მოთამაშის როლი.

რაც შეეხება თამაშს, აჭარლებმა ტაიმის შუაწელს ვლადიმერ მამუჩაშვილმა დააწინაურა, რომელმაც საჯარიმო დარტყმა ჩინებულად შეასრულა და თავისი გუნდი წინ გაიყვანა. თუმცა, ტაიმის ბოლოს მასპინძლებმა კონცეტრაცია დაკარგეს. ამასთან, ზაზა ციცქიშვილმა დიდებულად ითამაშა და ნიკოლაი ყიფიანი დასარტყმელ პოზიციაზე დატოვა, რომელმაც მიხეილ ალავიძეს შანსი არ დაუტოვა.

მეორე ნახევარში „დინამომ“ ზეწოლა გააძლიერა, რამაც შედეგი 70-ე წუთზე გამოიღონ. საბანაძე-თევდორაძე-საბანაძის ბრწყინვალე კომბინაცია, ამ უკანასკნელის მეკარესთან პირისპირ დარჩენით და გოლით დასრულდა - 2:1.

დარჩენილ დროში არაფერი შეცვლილა და ბათუმის „დინამომ“ ზედიზედ მეოთხე გამარჯვება მოიპოვა. ზღვისპირელებს 37 ქულა აქვთ პირველ პოზიციაზე იმყოფებიან, „რუსთავი“ კი 11 ქულით კვლავაც ბოლო, მეათე ადგილზეა.

აქვე გეტყვით, რომ დღესვე ბოლნისში „სიონი“ და თბილისის „ლოკომოტივი“ უგოლოდ დაზავდნენ. საინტერესოა, რომ „რკინიგზელთა“ 4-მატჩიანი მოგებათა სერია დასრულდა და ეს იყო პირველი ფრე მიმდინარე სეზონში.

„დინამო“ (ბთ) – „რუსთავი“ 2:1 (1:1)

გოლები: 1:0 მამუჩაშვილი (27), 1:1 ყიფიანი (45), 2:1 საბანაძე (70)