თითქოს სიზმარი რეალობად გადაიქცა - „ლივერპულის“ კაპიტანმა ჯორდან ჰენდერსონმა თასი აღმართა და მატჩის შემდეგ მამასთან ერთად იტირა.
მადრიდში, „ვანდა მეტროპოლიტანოზე“ ჯორდანისა და ბრაიანის ემოციურმა კადრებმა მსოფლიო მოიარა.
ჰენდერსონს ამ ტიტულის მოგება ერთი წლის წინაც შეეძლო, მაგრამ კიევში მარცხი განიცადა. მაშინ, მამამისი, ბრაიანი კიბოს ებრძოდა და ერთი წლის თავზე მისი დამარცხება მოახერხა. ახლა კი მამა-შვილმა დამსახურებული გამარჯვება ერთად იზეიმეს.
