ფეხბურთი

4:02 | 2.06.2019 | ნანახია [] - ჯერ

პოჩეტინო: "უნდა ვიამაყოთ იმით, რაც გავაკეთეთ"

ლონდონის „ტოტენჰემის“ მთავარმა მწვრთნელმა მაურისიო პოჩეტინომ „ლივერპულთან“ (0:2) ჩემპიონთა ლიგის ფინალში წაგების შემდეგ კომენტარი გააკეთა. არგენტინელი სპეციალისტის განცხადებით, მისი გუნდი ბოლომდე იბრძოდა და ამაყობს იმ შედეგით, რაც „ტოტენჰემმა“ დააფიქსირა.

„ჩვენ უნდა ვიამაყოთ იმით, რაც გავაკეთეთ, გამარჯვებისთვის ბოლომდე ვიბრძოდით. არ გაგვიმართლა, თავიდანვე პენალტი მივიღეთ, მაგრამ ბრძოლა გავაგრძელეთ. ადვილი არ არის ასეთი გუნდის წინააღმდეგ თამაში, თუმცა ძალიან ამაყი ვარ. „ტოტენჰემი“ ჩემპიონთა ლიგის ფინალში პირველად იყო და ეს სამომავლოდ იმედს იძლევა. აქამდე მოსვლა სიურპრიზი გახლდათ და სიურპრიზი იქნებოდა ყველასთვის ჩვენი გამარჯვებაც. გუნდისთვის, რომელსაც ბოლო წლებში სტადიონის მშენებლობა ჰქონდა, ბოლო ორ სატრანსფერო პერიოდში ფული საერთოდ არ დაუხარჯავს, ჩემპიონთა ლიგის მოგება განსაკუთრებული შედეგი იქნებოდა. ახლა სიმშვიდე უნდა შევინარჩუნოთ და წინ ვიყუროთ.

ფინალში მარცხი სასიამოვნო არასდროსაა, გვქონდა მოტივაცია, გვინდოდა კარგი თამაშის ჩატარება და გამარჯვება. თუმცა, ამ მატჩის დასაწყისიდან გამომდინარე, ფსიქოლოგიურად ეს რთული იყო. მაგრამ მნიშვნელოვანია, რომ კარგად ვითამაშეთ და უნდა ვიფიქროთ იმაზე, როგორ განვითარდეთ მომავალში. ვულოცავ კლოპსა და „ლივერპულს“. ჩემი მომავალი? ამაზე საუბრისთვის შესაფერისი დრო ახლა არაა“, - აღნიშნა პოჩეტინომ.

Loading...
სტატისტიკა
0.214738