ჟოზე მოურინიო სამწვრთნელო ასპარეზზე დაბრუნებას ლამობს. როგორც პორტუგალიელმა განაცხადა, პაუზის შემდეგ მოვიდა დრო თავისი ცხოვრების მნიშვნელოვან საქმიანობას დაუბრუნდეს.

მოურინიოს განცხადებით, კარგი იქნება ახალი ქვეყნის ჩემპიონის ტიტული მოპოვება:

„ამ პერიოდით ვისარგებლე და მომავალი დავგეგმე. მინდა განსხვავებული სამუშაო ჩემთვის და ჩემი სტაფისთვის. კარგი იქნება ახალი ჩემპიონატის მოგება მას შემდეგ, რაც 4 ქვეყანაში უკვე მოვიპოვე ჩემპიონობა (პორტუგალია, ინგლისი, იტალია და ესპანეთი - ავტ) ან ჩემპიონთა ლიგის მოგება მესამე გუნდთან ერთად. წავალ იქ, სადაც წარმომიდგენენ პროექტს, რომელიც გამარჯვებაზე იქნება გათვლილი ან იქ, სადაც არ იქნება ასეთი პირობები, მაგრამ მეტყვიან, რომ ეს ერთად უნდა შევქმნათ.

ახლა 5 თვის შემდეგ მინდა, დავუბრუნდე ჩემს სამუშაოს, რადგან მწვრთნელობა ჩემი ცხოვრების მნიშვნელოვანი ნაწილია“, - თქვა მოურინიომ.

შეგახსენებთ, რომ პორტუგალიელი სპეციალისტი ბოლო „მანჩესტერ იუნაიტედში“ მუშაობდა, საიდანაც გასული წლის დეკემბერში დაითხოვეს.