ევროპა ლიგის ფინალამდე ერთი დღით ადრე ლონდონის „ჩელსიში“ იდეალური ვითარებაა არაა. მატჩისწინ ბოლო ვარჯიშზე დავიდ ლუისმა და გონსალო იგუაინმა იჩხუბეს.

ბაქოს ოლიმპიურ სტადიონზე „არისტოკრატების“ საწვრთნელი პროცესი მიმდინარეობდა, როდესაც არგენტინელ და ბრაზილიელ ფეხბურთელებს შორის სიტყვიერი შელაპარაკება მოხდა.

აღნიშნული ფაქტით კი ყველაზე მეტად მაურიციო სარი გაბრაზდა. იტალიელმა სპეციალისტმა შეგირდების უდისციპლინო საქციელის შემდეგ ვარჯიში დემონსტრაციულად დატოვა და ვიდეო კადრებიდანაც ნათლად ჩანს მისი განრისხება.

შეგახსენებთ, რომ „ჩელსისა“ და „არსენალის“ ფინალური შეხვედრა 29 მაისს თბილისის დროით 23:00 საათზე გაიმართება.