ფეხბურთი

21:39 | 28.05.2019 | ნანახია [] - ჯერ

"დინამომ" რუსთავში გაიმარჯვა

საქართველოს კრისტალბეთ ეროვნული ლიგის მე-16 ტურის მეორე მატჩში „რუსთავმა“ „დინამო თბილისს“ უმასპინძლა. საქართველოს ყველაზე ტიტულოვანმა გუნდმა როგორც ჩანს კრიზისი უკან მოიტოვა და მიჯრით მეორე გამარჯვება მოიპოვა.

თამაში დაძაბული გამოდგა და მისი ბედი პირველ ტაიმში გასულმა ერთადერთმა გოლმა გადაწყვიტა, რომელიც „დინამომ“ სწრაფი და ჩინებული კონტრშეტევის წყალობით გაიტანა.

32-ე წუთზე „რუსთავი“ მეტოქის საჯარიმოსთან აკონტროლებდა ბურთს, მაგრამ „დინამომ“, მეტოქის შეტევა ჩაშალა და თავად გადავადია კონტრშეტევაზე. ლევან შენგელიამ ლევან კუტალია დროულად მოძებნა და ანგარიშიც გაიხსნა. როგორც გაირკვა, ეს გადამწყვეტი ეპიზოდი იყო და თბილისურმა გუნდმა მორიგი სამი ქულა მიითვალა.

„დინამოს“ 16 ტურის შემდეგ 26 ქულა დაუგროვდა და მესამე ადგილოსან „ტორპედოს“ ერთ ქულაში მიუახლოვდა. „რუსთვის“ ვითარება კი ისევ მძიმეა და 11 ქულით მეცხრე-მეათე ადგილებს „ვიტ ჯორჯიასთან“ ინაწილებს.

„რუსთავი“ – „დინამო თბილისი“ 0:1 (0:1)

გოლი: 0:1 კუტალია (32)

0.112672