ფეხბურთი

23:12 | 27.05.2019 | ნანახია [] - ჯერ

პოჩეტინო: "ჩემპიონთა ლიგის ფინალამდე ჩემს მომავალზე ფიქრი სამარცხვინო იქნება"

ლონდონის „ტოტენჰემის“ მთავარი მწვრთნელი მაურისიო პოჩეტინო თავის მომავალზე არ ფიქრობს და მხოლოდ ჩემპიონთა ლიგის ფინალზეა კონცენტრირებული. როგორც არგენტინელმა განაცხადა, ახლა მხოლოდ ერთი საკითხია მნიშვნელოვანი:

„ჩვენ კლუბის ისტორიის დაწერა შეგვიძლია, ამიტომ ინდივიდუალურ თემებზე ფიქრი ცოტა უხერხული და სამარცხვინოა. მე არ ვარ მნიშვნელოვანი, ამაზე დიდი საკითხი დევს ჩვენს წინ. ფინალის შემდეგ ვისაუბრებ მომავალზე, პრეზიდენტს შევხვდები, ამისთვის დრო გვექნება, ახლა კი 200%-ით მხოლოდ ჩემპიონთა ლიგის ფინალზე ვართ კონცენტრირებული“, - თქვა პოჩეტინომ.

არგენტინელი სპეციალისტის მომავალს ყველაზე აქტიურად ტურინის „იუვენტუსს“ უკავშირებენ. ჩემპიონთა ლიგის ნახევარფინალის შემდეგ კი თავად პოჩეტინომ „მამლების“ დატოვება არ გამორიცხა.

შეგახსენებთ, რომ ჩემპიონთა ლიგის ფინალი „ტოტენჰემსა“ და „ლივერპულს“ შორის 1-ელ ივნისს, მადრიდში გაიმართება.

Loading...
სტატისტიკა
0.225988